వోయ్ మావా వొయ్ మావా 

వెన్నెలంటి చల్లదనం
మల్లె పూల తెల్లదనం
నీ మనసుకు ఎవరిచ్చారోయ్ మావా వొయ్ మావా

చక్కదనపు చందనమూ
వలపు వింటి తియ్యదనము
కలగలిపిన నువ్విచ్చావోయ్ పిల్లా ఓ పిల్లా

అల్లరిమాటల చాటున
మమతల వెల్లువ చేష్టలు
నీకేలాగున వచ్చేశాయోయ్ మావా వొయ్ మావా

కలువకళ్ళ పిల్లదాని
మాటవిరుపు మేని మెరుపు
నాకన్నీ తెచ్చిచ్చాయోయ్ పిల్లా వొయ్ పిల్లా

చూపుల బాణాలు వేసి
చిన్నదాని మనసు దోచు
వాటము నీకెవరిచ్చారోయ్ మావా వొయ్ మావ

చిరునవ్వుల మురిపాలను
చెదరనీక కుశలమడుగు
నీ మనసే నాకిచ్చిందోయ్ పిల్లా వొయ్ పిల్లా

నాగజ్యోతీ సుసర్ల
23-04-2015